تجربة جديدة بالحصول على الجنسية الألمانية:

الجنسية الألمانية

قام الأخ باسل السراكبي بسرد تفاصيل حصوله على الجنسية الألمانية كاتباً :

بفضل الله تم اليوم الحصول على الجنسية الألمانية…عقبال الجميع…

حلوان الجنسية يلي بحب يستفسر سواءاّ هون او على الخاص أهلا وسهلاً…بس مشان ماتتكرر الاسئلة رح اكتب المعلومات يلي متأكد منا…

بس طبعا لازم نعرف انو المانية فيدرالية يعني كل مقاطعة بتختلف شوي عن المقاطعات التانية يعني ماضروري القوانين يلي بدي اكتبا بمقاطعتي(تشيلزفيك هولشتاين) تكون بنفس مقاطعتك لازم تسأل…

المدة المطلوبة للحاصلين على صفة اللجوء هي ست سنوات…في كتير موظفين بيطلبو ٨ واذا معك c1 بنزلوا للسبعة وبقولو لازم تكون عامل عمل تطوعي…هادا الحكي تبع القانون القديم…اما القانون تبع٢٠١٦ (اتفاقية ماستريخت) ست سنوات لحاملي صفة اللجوء وعديمي الوطن متل الاخوة الفلسطينيين.

وفي حال مارضي الموظف لازم توكيل محامي بإيميل واحد بطبق عليه القانون وبجبلك ياها…مدة الست سنوات تحسب من تاريخ تقديم طلب اللجوء…

مستوى اللغة المطلوب B1

…شهادة الدورة السياسية…

عقد عمل مفتوح او سنة على الأقل…وقد تجاوزت الفترة التجريبية (يلي هية غالباً بتكون ست شهور)

آخر ثلاث شهور بيان الراتب Lohn Abrechnung

بيان الولادة Geburtsurkund لازم يتترجم عند ترجمان محلف ويتصدق من الخارجية بدمشق والسفارة الالمانية ببيروت…

عقد الزواج(في حال كنت متزوج) لان التقديم بكون للعيلة كلا مو متل الإقامة الدائمة…

السيرة الذاتية lebenslauf…

جواز السفر السوري(طبعا لازم قديم ومنتهي)

لان يلي معو لجوء مابصير يجدد الجواز السوري والا بيسحبو اللجوء منو…ويلي بدو يسأل مامعي جواز سوري…مابعرف شو بصير بهالحالة.

بس جواز البلد الأم ضروري جدا اثناء التقديم على الجنسية…طبعا لازم الشخص يكون ماعم ياخد مساعدات أبدا مو متل الاقامة الدائمة…بس الكيندر تسوشلاغ ، الفوهن غيلد لايعتبروا مساعدات(بمقاطعتي) في غير مقاطعات حكو انو بيعتبرون مساعدات…الاوسبيلدونغ متلو متل عقد العمل النظامي( بس صعب التقديم عالاوسبيلدونغ لان نادراً يكون الاوسبيلدونغ بغطي كامل المصروف)

تجدون بعض المعلومات باللغة الألمانية هنا

بعض دروس ال B1