تطبيق كورونا

تطبيق كورونا

مرحبا !

الكل طبعا سمع عن التطبيق الجديد تاع كورونا رح أكتب كم كم نقطة إنحكت عن هاد التطبيق من خلال المعلومات الي تم طرحها خلال مؤتمر رئاسة الوزراء اليوم.

طريقة عمل التطبيق

التطبيق إختياري بعتمد تقنية البلوتوث من خلال تسجيل أسطر مشفرة من المعلومات الي بتنتقل من جهازين مختلفين لأشخاص مجهولين الهوية قابلو بعضهن لمدة معينة عن طريق طريقة تسجيل لا مركزية.وبحالة تم الكشف عن حالة كورونا بتم إشعار كل الإشخاص الي كانو بتواصل مباشر مع الشخص المصاب بضرورة التحاليل اللازمة للكشف عن المرض

مثال بسيط:

خالتو إم أحمد شافت خالتو إم علي بالطريق ف سلمت عليها وبوستها موبايلات خالتو إم علي وخالتو إم أحمد بسجل بشكل لا مركزي انو صار في لقاء بيناتهن ( يعني ما حدا بقدر يشوف الموضوع ويتأكد منو ) بعد اسبوع خالتو إم علي طلع عندها كورونا ، بهي الحالة بتحط بال App انو هي كانت حاملة للمرض ، ف بنبعت إشعارات لكل الأشخاص الي قابلتهن خالتو إم علي بآخر ١٤ يوم إنو في شخص غير محدد تم إصابته بكورونا وإنو لازم ياخدو إحتياطاتهن او يعملو تيست )

حرية تحميل و تثبيت التطبيق

الشي المهم التاني إنو التطبيق ما بطلب منك صلاحيات موقعك ، هاد الشي الي أكدت عليه وزيرة العدل وحماية المستهلك ، وهاد بعني إنه التطبيق صالح للإستخدام بدون أي نوع من التجسس. النقطة الأهم والي رُكز عليها بشكل كتير كبير هي ال Freiwilligkeit او حق الإختيار بالموضوع

مثال :

عمو أبو أحمد حكاله صاحب الشغل إنت لازم تنزل هاد البرنامج إزا بدك تيجي تداوم مشان نتأكد إنو ما التقيت بحدا مصاب .

عمو أبو أحمد فيه يقدم فيه شكوة رسمية بمحكمة العمل لأنو التطبيق إستخدامه إختياري بحت ، وماحدا بقدر يجبرك لو مين ماكان إنه تنزله.

تحميل التطبيق


مباشرة إلى متجر غوغل بلاي :

تطبيق كورونا 2020 شرح مبسط - ألمانيا 2


مباشرة إلى متجر آب ستور :

تطبيق كورونا 2020 شرح مبسط - ألمانيا 3

فيديو الشرح